މިހާރު ކުރިއަށްދާ ބީއެމްއެލް އެޓޯލް ޗެމްޕިއަންޝިޕްގެ ކ. އަތޮޅުގެ ޗެމްޕިއަންކަން އެ އަތޮޅުގެ ހިންމަފުށި ހޯދައިފިއެވެ.

ހިންމަފުށިން ޗެމްޕިއަންކަން ހޯދީ ފައިނަލުގައި ޕެނަލްޓީން ޖަހައިގެން 3-2 އިން ހުރާ ބަލިކޮށްގެންނެވެ.

ކ. ގުރައިދޫ ފުޓްބޯޅަ ދަނޑުގައި ކުޅުނު މެޗުގެ ފުރަތަމަ ހާފު ނިމުނީ ދެ ޓީމަށް ލަނޑެއްނުޖެހި އެއްވަރުވެގެންނެވެ. މި މެޗުގައި ފެނިގެންދިޔަ ހުރިހާ ގޯލެއްވެސް ކާމިޔާބުކުރީ ފަހު ހާފުގައެވެ.

މެޗުގައި ހިންމަފުށިން ޖެހި ދެލަނޑުވެސް ކާމިޔާބުކޮށްދިނި ޗިގާލީ އަބްދުއްރަހުމާނޭ އެވެ. ހުރާގެ ލަނޑުތައް ޖަހައިދިނީ އަހުމަދު އަޝްފާގު އާއި ޕްރިންސް ލާބީ އެވެ.

މި މެޗުގެ ފުރިހަމަ ވަގުތު ހަމަވިއިރު ދެ ޓީމު 2-2 އިން އެއްވަރުވުމުން ނަތީޖާ ނެރެން ޖެހުނީ ޕެނަލްޓީޝޫޓްއައުޓް އަށް ފަހު އެވެ.

މި ފަހަރުގެ އެޓޯލް ޗެމްޕިއަންޝިޕްގެ ސެންޓްރަލް ރީޖަން އަށް ނިސްބަތްވާ ކ. އަތޮޅުގެ ޗެމްޕިއަންކަން ހޯދި ހިންމަފުއްޓާއި، ރަނަރަޕް މަގާމު ހޯދި ހުރާ ވަނީ ރީޖަނަލް ލީގުގެ ކޮލިފައިންގ ބުރަށް ދަތުރުކޮށްފައެވެ.

އެފްއޭއެމުން އެކުލަވާލި އާ ފޯމެޓާއެކު ފެށި މި ފަހަރުގެ އަތޮޅު މުބާރާތުގައި 49 ޓީމަކުން ވަނީ ބައިވެރިވެފައެވެ.