ރާއްޖެއައި އިންޑިއާ ބައެއްގެ އަތުން 4 މިލިއަނަށްވުރެ ގިނަ ރުފިޔާގެ މަސްތުވާތަކެތި އަތުލައިގެންފިއެވެ. 

ކަސްޓަމްސްއިން ބުނީ، މިދިޔަ ހޮނިހިރު ދުވަހު އިންޑިއާ އިން ރާއްޖެ އައި އެ ގައުމުގެ ދެ ފަސިންޖަރެއްގެ ލަގެޖްގައި މަސްތުވާތަކެތި ރައްކާކޮށްގެން ގެނެސްފައިވާކަމަށް ޝައްކުކުރެވިގެން އެ ފަސިންޖަރުންގެ ލަގެޖު ބަލައި ފާސްކޮށްފައިވާކަމަށެވެ.

މި އޮޕަރޭޝަން ކުރިއަށް ގެންގޮސްފައިވަނީ ސ. ގަން އިންޓަރނޭޝަނަލް އެއާޕޯޓުގައެވެ.

މި އޮޕަރޭޝަނުގައި ޖުމްލަ 5.5 ކިލޯއަށް ވުރެ ގިނަ ކެނަބިސް އަތުލައިގެންފައިވާއިރު އެތަކެތީގެ މަގުމަތީ އަގު 4.4 މިލިއަން ރުފިޔާއަށް އަރައެވެ.