ވައްކަމާއި ފޭރުމުގެ މައްސަލަތަކުގައި މިދިޔަ ހަފުތާގެ ތެރޭގައި ގެއްލުނު ފައިސާގެ ތެރެއިން 826،000 އަށްވުރެ ގިނަ ރުފިޔާ، ދިވެހި ފުލުހުންގެ ޚިދުމަތުން ހޯދައި އޭގެ ވެރިފަރާތްތަކާ ހަވާލުކޮށްފިއެވެ.

ފުލުހުން އާއްމުކޮށްފައިވާ ތަފާސްހިސާބުތަކަށް ބަލާއިރު، މި މަހުގެ 5 އިން 11 އަށް މާލެ ސަރަހައްދުގައި ހިނގި ވައްކަމާއި ފޭރުމުގެ މައްސަލަތަކުގައި ޖުމްލަ 838،434 ރުފިޔާ ގެއްލިފައިވެއެވެ. މީގެ ތެރޭގައި ހިމެނެނީ:

ފުލުހުން ބުނީ، ގެއްލުނު ފައިސާގެ 98 އިންސައްތައަށްވުރެ ބޮޑު ބައެއް ކާމިޔާބީއާއެކު އަނބުރާ ހޯދާފައިވާކަމަށެވެ. އެއީ ޖުމްލަ 826,730 ރުފިޔާއެވެ. ފުލުހުން ހޯދި ފައިސާގެ ތަފްސީލަށް ބަލާއިރު، އެއަރޕޯޓް އަދި ޓޫރިސްޓް ޕޮލިހުން 26,335 ރުފިޔާ، ހެންވޭރުން 175,250 ރުފިޔާ، ގަލޮޅުން 225,215 ރުފިޔާ، މާފަންނުން 396,888 ރުފިޔާ އަދި ވިލިމާލެ ޕޮލިހުން 3,042 ރުފިޔާ ހޯދާފައިވެއެވެ.

ދިވެހި ފުލުހުންގެ ޚިދުމަތުން އިތުރަށް މައުލޫމާތު ދިން ގޮތުގައި މިފަދަ މައްސަލަތަކުގައި ގެއްލޭ ފައިސާ ވީހާވެސް އަވަހަކަށް ހޯދައި، އޭގެ ވެރިފަރާތްތަކަށް ރައްދުކޮށްދިނުމަށް ފުލުހުންގެ އިދާރާއިން އަންނަނީ ވަރަށް ބޮޑު އިސްކަމެއް ދީގެން މަސައްކަތް ކުރަމުންނެވެ. އަދި ކުށްތައް ހުއްޓުވައި، މުޖުތަމަޢުގެ އަމާންކަން ކަށަވަރުކުރުމާއެކު، ފުލުހުންގެ ޚިދުމަތަށް ރައްޔިތުން ކުރާ އިތުބާރު ދެމެހެއްޓުމަށް އަބަދުވެސް މަސައްކަތް ކުރައްވާނެ ކަމުގެ ޔަގީންކަން އެ މުއައްސަސާއިން ދީފައިވެއެވެ.