އިސްރާއީލާއި އެމެރިކާ އާއި ދެކޮޅަށް އީރާނުން ދެމުންދާ ހަމަލާތަކުގައި، އެ ސަރަހައްދުގެ އަވައްޓެރި ގައުމުތަކަށް އަމާޒުވި ހަމަލާތަކާއި ގުޅިގެން އީރާނުގެ ރައީސް، މަސްއޫދު ޕެޒެޝްކިއަން ރަސްމީކޮށް މައާފަށް އެދިވަޑައިގެންފިއެވެ.

ރައީސް ޕެޒެޝްކިއަން މައާފަށް އެދިވަޑައިގެންފައިވަނީ، އީރާނުގެ ދައުލަތުގެ މީޑިއާ މެދުވެރިކޮށް ދެއްވި ހާއްސަ ހިޠާބެއްގައެވެ.

އެ ހިޠާބުގައި ރައީސް ޕެޒެޝްކިއަން ވިދާޅުވީ، އީރާނުން ދިން ހަމަލާތަކުގެ އަސަރު ފޯރި އަވަށްޓެރި ގައުމުތަކުގެ ކިބައިން އޭނާގެ އަމިއްލަ ނަމުގައި އަދި އީރާނުގެ ސަރުކާރުގެ ނަމުގައި މައާފަށް އެދިވަޑައިގަންނަވާކަމަށެވެ. އަދި އީރާނުގެ އެއްވެސް އަވަށްޓެރި ގައުމަކުން އީރާނަށް ހަމަލާއެއް ނުދޭހާ ހިނދަކު، އެ ގައުމުތަކަށް އަމާޒުކޮށް އިތުރު އެއްވެސް ހަމަލާއެއް ނުދިނުމަށާއި މިސައިލް ނުފޮނުވުމަށް އީރާނުގެ ވަގުތީ ލީޑާޝިޕުން ނިންމާފައިވާކަމަށް ވެސް  ވިދާޅުވިއެވެ.

މައާފަށް އެދުމާއެކުވެސް ރައީސް ޕެޒެޝްކިއަން އިތުރަށް ވިދާޅުވީ، އީރާނުގެ މިނިވަންކަމާއި ސިޔާދަތަށް އުނިކަން އަންނަ ފަދަ އެއްވެސް ކަމެއްގައި ދުޝްމަނުންގެ ކުރިމަތީގައި އަމާން ނުދޭނެކަމަށެވެ.

މެދު އިރުމަތީގެ މި ހަމަލާތައް ބަދަލުކުރަން ފެށީ، އީރާނުގެ ނިއުކްލިއާ މަސައްކަތްތައް އަލުން ފަށާފައިވާ ކަމަށް ބުނެ، ފެބްރުއަރީ މަހުގެ 28 ވަނަ ދުވަހު އެމެރިކާއާއި އިސްރާއީލުން ގުޅިގެން އީރާނަށް ދިން އޮޕަރޭޝަން އެޕިކް ފިއުރީ ހަމަލާތަކަށް ފަހުގައެވެ.

އެގޮތުން އީރާނުން ވަނީ އިސްރާއީލު އެއްކޮށް ނެތިގެން ނުދަނިސް މި ހަމަލާތައް ނުހުއްޓާނެ ކަމަށް އިންޒާރު ދީފައެވެ.