އާއިލާއަށް ހަބަރެއް ނުވެގެން ފުލުހުންނަށް ރިޕޯޓްކުރި އަންހެން މީހާ މިއަދު ފެނިފައިވާކަމަށް ދިވެހި ފުލުހުންގެ ޚިދުމަތުން ދެންމެ ބުނެފިއެވެ. 

މިއަދު ދިވެހި ފުލުހުންގެ ޚިދުމަތުން މީޑިއާތަކާ ހިއްސާކުރި މަޢުލޫމާތުގައި ވާގޮތުން، ގެއްލިގެން ހޯދަމުންދިޔައީ ޅ. ނައިފަރު / ކަށިމާގެ، ފާޠިމަތު ނޫރާ (32އ) އެވެ

ފުލުހުން ދެންމެ އާއްމުކުރި މަޢުލޫމާތުގައި ބުނީ، މިއަދު 11:20 ހާއިރު ނޫރާ ގެއަށް ގޮސްފައިވާ ކަމަށެވެ. އަދި، ނޫރާގެ ހާލު ރަނގަޅުކަން އާއިލާއާ ޙަވާލާދީ ފުލުހުން ބުނެފައިވެއެވެ. 

ނޫރާ ގެއްލިގެން މީޑިއާތަކާ ހިއްސާކުރި މަޢުލޫމާތުގައި ފުލުހުން ބުނީ، 2026 މާރިޗު 4 ވަނަ ދުވަހުގެ 20:00 އެހައިކަންހާއިރު ފާޠިމަތު ނޫރާ ގެއިންބޭރަށް ދިޔަފަހުން ޚަބަރެއްނުވެ ގެއްލިފައިވާކަމަށް މާރިޗު 4 ވަނަ ދުވަހުގެ ރޭ 12:19 އެހައިކަންހާއިރު އާއިލާއިން ފުލުހުންނަށް ރިޕޯޓްކޮށްފައިވާ ކަމަށެވެ. 

މި މައްސަލަ ރިޕޯޓްކުރުމާ ގުޅިގެން، ފުލުހުންގެ ކަމާގުޅުންހުރި ހުރިހާ ބަހާތަކަށް އެ މައުލޫމާތު ހިއްސާކޮށް އޭނާ ހޯދުމުގެ މަސައްކަތް ކޮށްފައިވެއެވެ.