ENGLISH
29 ނޮވެމްބަރު 2025
ފަލަސްތީން ރައްޔިތުންނާއެކު ތިބޭ ތިބުން މާނަހުރި އަމަލުތަކަށް ބަދަލުކުރުމަށް ބައިނަލްޢަޤްވާމީ މުޖުތަމައަށް ރައީސް ގޮވާލައިފި
29 ނޮވެމްބަރު 2025
|
ފަލަސްޠީނު ރައްޔިތުންނާއެކު ތިބުމުގެ ބައިނަލްއަގުވާމީ ދުވަސް އިހުތިފާލުކުރާއިރު، ފަލަސްޠީނު ރައްޔިތުންނަށް ކުރާ ތާއީދު މާނަހުރި އަމަލުތަކަކަށް ބަދަލުކުރުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ބައިނަލްއަޤުވާމީ މުޖުތަމައަށް ގޮވާލައްވައިފިއެވެ.
ފަލަސްޠީނު ރައްޔިތުންނަށް ތާއީދުކުރުމުގެ ބައިނަލްއަގުވާމީ ދުވަހެއް އިހުތިފާލުކުރަމުންދާއިރު، ބިމުން ފެންނަންް އޮތީ ކާރިސީ ހަގީގަތެއް ކަމުގައި ވިދާޅުވެ ރައީސް ފާހަގަކުރެއްވީ މިވަގުތު އިސްރާއީލުން ފަލަސްތީނު ރައްޔިތުންނާމެދު ހިންގަމުންދާ ޖަރީމާތަކެވެ.
އެގޮތުން ވަގުތީ ގޮތުން ހަމަލާ ބަދަލުކުރުން ހުއްޓައިލުމަށް ވެފައިވާ ނާޒުކު އެއްބަސްވުމާ އިސްރާއީލުން ހިލާފުވެ، ހުއްޓުމެއްް ނެތި ޣައްޒާއަށް ދެމުންދާ ބޮމުގެ ހަމަލާތަކާއި، މެދުނުކެނޑި ސިހުޔޫނީ އާބާދުކުރުންތައް އިތުރުކުރަމުންދާ ދިއުމާއި، ފަލަސްތީނު ރައްޔިތުންގެ ދުވަހުގެ ދިރިއުޅުމަށް ކުރިމަތިކުރަމުންދާ ބޮޑެތި ހުރަސްތަކުގެ ސަބަބުން، ފަލަސްތީނު ރައްޔިތުން ހަމަޖެހުމުން މަހުރޫމުވެ، އިގުތިސާދީ ގޮތުން ދެކޮޅުޖެހޭ ކުރިމަގެއްގެ ފުރުސަތު ގެއްލުވައިލަަމުންދާކަމަށް އެމަނިކުފާނު ވިދާޅުވިއެވެ.
އެކަންކަން ފާހަގަކުރައްވައި ރައީސް ބައިނަލްއަގުވާމީ މުޖުތަމައަށް އިލްތިމާސްކުރެއްވީ ފަލަސްތީނު ރައްޔިތުންނަށް ކުރާ ތާއީދު މާނަހުރި އަމަލުތަކަކަށް ބަދަލުކުރުމަށެވެ. އަދި އެކީ ގުޅިގެން މަސައްކަތްކޮށް، ފަލަސްޠީނު ރައްޔިތުންގެ ޝަރުޢީ ހައްގުތައް ކަށަވަރުކޮށްދީ، އެމީހުންގެ އުންމީދުތައް އެކީ ހަގީގަތަކަށް ހަދައިދިނުމަށްވެސް އެމަނިކުފާނުވަނީ ބައިނަލްއަގުވާމީ މުޖުތަމައުގެ ކިބައިން އެދިވަޑައިގެންފައެވެ.
ރައީސްވަނީ ދިވެހިރާއްޖެ ސާބިތުކަންމަތީ ފަލަސްތީނު ރައްޔިތުންނާއެކު ދެމިއޮންނާނެ ކަމުގެ ޔަގީންކަން ދެއްވާފައެވެ. އަދި 1967 ވަނަ އަހަރުގެ ކުރީގެ ބޯޑަރުތަކުގެ މައްޗަށް އެކުލެވިފައިވާ، އިރުމަތީ ޤުދުސްގައި ވެރިރަށް އޮންނަ ފަލަސްޠީނުގެ މިނިވަން ސިޔާދަތު ލިބިގެންވާ ދައުލަތެއް ގާއިމުކުރުމަށް ރާއްޖެއިން އަބަދުވެސް ތާއީދުކުރާކަން އެމަނިކުފާނު ތަކުރާރުކުރެއްވިއެވެ.